典型港女

約了行家朋友到銅鑼灣宵夜，
坐地鐵，竟然搭過籠，
於是，在灣仔搭一個站回頭車到銅鑼灣，
車廂中，抓著中間扶手，
有三個女子同抓著那扶手，
應是朋友來的。
女子A：「昨晚同佢傾電話，佢掛住打機，
無講拜拜就收線，
平時次次都會錫一啖嫁嘛。」
女子B：「咁你點？」
女子A：「我sd個sms比佢咯，佢即刻打返電話來，
為咗呢樣嘢，我地嘈咗一個鐘。」
嘩，眼都突了，當堂要瞄一瞄這女子什麼樣子，
看來是未夠三十歲、一臉斯文的女孩子
女子B：「比我就唔得了，
一定會發癲，點會仲sd sms，
會在電話裏罵。」
又偷望一下B，也是斯斯文文的，
普通港女一名。
女子C在這時幽幽地說，
「通常不講拜拜的是我。」
只是短短一個站的時間，
已暗暗感覺到這些港女，
都「騎住」男友。
聽得入神，險些忘了下車。

不知是否人長大了，
對這些無謂的執著，
覺得是浪費時間，
明明可以浪漫溫馨一小時，
卻換成口角。

何不為有意義的事執著？
可以是為真理堅持，
可以是向罪的引誘說不....
什麼也好，總之，不會是為一句「拜拜」。