差不多開始替囝囝報兩歲班，
聽到很多人說：
「九月尾,,,細仔喎，讀書唔著數﹗」
「啲學校通常揀啲大仔先，最後才是細仔。」
「有啲直頭唔收細仔﹗遞form都沒機會﹗」
「小朋友差幾個月發展已差很遠，即是有得面試，細仔咩都唔識，好蝕底﹗」
也明白，總有一個制度來收生，
學校面見，要想挑選合他們辦學要求的家長或學生，
未必每個人也覺得公平，
(到升學搞珠大獎時，又有一批人覺不公平)
但我又不覺得傾斜得咁誇張。
可能有些人覺得，受歡迎的學校，
學位都大仔爭了，自己細仔細女只是陪跑的份兒，
但我又不覺得小朋友每階段也要最「著數」，
也要跑到最前，也要學到最多。
幼稚園，只是第一階段，
當然家長總會為子女舖路，希望可入到最好的，
入到心儀的固然好，
入到普通的，自己花多點心機在家教，多點遊戲，
童年開心片段，將來回憶中也會回味。
不想輸在起跑線上，是很多家長心態，
人生是長跑，講求毅力、意志，
在某階段慢一點，落後一點，難道不可以嗎？
健康出生和成長已是祝福和恩典，
想到這些，就不會計較/埋怨是細仔還是大仔的了﹗
這是寫在未開始替囝囝報學校，
或許到時針拮到肉，
我會採取另一態度，
大聲疾呼制度的不公，
抱怨細仔的蝕底,,哈哈哈﹗
