家常便飯

是日晚餐：海鮮炒烏冬＋灼菜一碟

材料：烏冬、鮮蝦、蟹柳、獅子狗卷、芫茜、葱

放工後在街市遊了一圈，

想好了吃什麼，

只花了十五分鐘，便買齊晚飯所需。

雖然賣相不太好，都是加了太多老抽累事，下次會輕手一點。

亞媽以前常說難買餸，因為菜有時太老、魚不新鮮、肉太貴．．．

對我這味覺不敏銳的人來說，卻問題不大，

因為不知那些菜是老，不知那些是合時，

不懂看那些魚是新鮮、甚至吃進口中分辨不倒

肉，無論是多少錢斤，也是買相同錢碼。

某天，買了一扎「波菜」回家，準備分兩天吃。

吃罷第一天，

第二天時，老公問：

「你的「莧菜」食晒未？」

「莧菜？乜唔係波菜咩？明明啲菜腳有條尾喎？」

「師奶，你知唔知你買咗乜菜？食咗乜都唔知.....」

咁它的樣確實有點相似嘛，味道又只是似曾相識，

記得曾食過咯，

不好意思，師奶見平就買，所以......

「老公，你知唔知你其實食咗乜嘢落肚？」