大智若愚

八十年代於港大畢業的人，
我覺得應該也是精英吧，
但我那個四十多歲的同事(幸好不是下屬），卻是怪人一名。
無論工作能力和接收能力，都很有問題，
你叫佢做A，佢會做A，但唔會交俾你，因為你無叫，
不合作尤自可，合作的話，跟本等同自己做。
她不是推卸責任的人，
只是呆呆地，不知自己要有責任。

有時問她要跟的進展，
她會說：「唔知噃，老闆無話，開會睇下老闆點唸啦！」
唉，你不是剛出茅蘆，不是樣樣等老細唸出來和叫你去做，
可否自己找定資料，自己想過一下，有啲建議出來給老闆？

最近有一壇project，
明明是她負責，
卻好像完全不知要做什麼，
老總也知道她與人溝通有問題，
先要說她負責，我協助，
然後又改口說，因為她患病，
常要請假（農曆年時她請了長長的病假），
待看看情況如何再決定，
接著，責任已經開始轉移，
每逢就這個project開會、決定、討論，
老總老闆都是沖著對我說。

一次開完會，老闆改動了「我們」
（其實是「我」的，但我禮貌地向他們說是「我們」）的建議，
會後，我問她，改動後的東西，你可否跟進？知否改了什麼？
「唔知噃！講咗咁多，點記得？」
心裏忍唔住說「頂！大姐，你開會可否專心些？是你的責任。」
咀裏笑笑的說：「如果怕忘了，下次要用筆記低，因為要跟進。」

這天開完會，我又忙其他的事務，
問她可否跟進？「我唔係好熟喎！」
又忍唔住心裏罵一次：
「頂！大姐，你唔熟咪問、或者找資料咯，我夠唔熟咯。」
「同埋返多兩天，我請咗一周病假。」
（吓？咁呢兩天你唔駛做牙？真係做，一天已可搞掂了！）

之前有一次已忍唔住跟老總講，
好像合作不到，她都唔自己要做些什麼似的。
老總是明理及明眼人，
但似乎苦無對策，
只是為避免麻煩，不給責任佢揹，
只是分配簡單的工作，
然後她可以每天準時收工。

舊同事笑說，這才是聰明人，
就等其他人做埋佢那一份。
大智若愚，難道就是這境界？
如果以前公司有這樣的人，
一定不過試用期。

心底不斷咆哮，
對神講，要冷靜啲.calm down calm，
要有智慧些面對，
又會想想以為那個我很敬佩的基督徒上司會如何做。

其他同事，可能沒跟她合作，
又或者做得耐，已看化了，
似乎沒什麼怨言，
也不覺得佢怪，
相比我，
這些非基督的包容度似乎比我強，

唉！說什麼自己是基督徒。