奚落

有什麼工作，可以奚落他人，
無論是達官貴人、平民百姓，
也只能眼瞪瞪的，罵不還口？


就是牙醫。

首次去了學校的牙醫診所，做檢查：
牙：有什麼不妥？
我：沒事，只是例行檢查。
牙：有無牙痛？
我：有，有一隻。
牙（提高聲量）：有牙痛都話無事？你知唔知牙痛可大可小？
張開口檢查，
牙（皺眉）：你睇，你睇，你呢隻智慧牙蛀咗一忽、
嗰隻補過啲啲粉有啲甩，
你啲牙外圍好乾淨，我睇你平時刷牙，
梗係淨刷一個方向，其他你方無乜掂過。
有無用牙線？有時？無聽政府宣傳話要用牙線咩？
你隻智慧牙有無痛？無？已經蛀得好深喎，不過都唔一定痛。
（唉！痛又話可大可小，唔痛又唔得，醫生你想點？）

打了麻醉藥，補了兩只牙。
其實，醫生為何不能正面些，
鼓勵一下人，
坐在那張椅上，
想起那些車牙、鑽牙的聲，
心已跳了半個出來，
現在講到我牙像一堆垃圾般，
真的嚇了一身汗。
真是....諱疾忌醫，尤其是牙醫，事出有因。

阿牙，你們要爭氣些，不要再被人奚落。