三周大

10月21日，小柏程三周大了。
這幾天，有析的花名，
之前每天的 花名也不同，
會叫他屎怪、醜樣豬、貓仔程(哭得像貓仔叫)、蟲仔程(扭動得似條蟲).....
這幾天叫他做「小露比」，
因為替穿了尿片，再著全身的袍仔後，
他無論是醒是睡，都會腳撐撐，
即使包了毛巾，
也會連毛巾帶袍仔的踢起，
露出大脾一雙，
所以就叫了他「小露比」

三周大的人仔，會懂什麼？
小柏程睡醒了，對燈光會皺眉；
聽到聲音，會望向聲音的方向，
睡覺時會表演「舉手投降」，
又或者示範「釘十字架」，
再不然就是「扮招財貓」
「超人飛天」也是偶爾的表演的功夫，
另外，雙手會不自覺的「划艇仔」，
雙腳則不受控的「踩單車」，
小柏程在很舒服時，
會嘟起小咀，
又懂得攏屎，
當手腳磞緊眼定定神色凝重時，
便是在辦大事。

其他懂的東西，就是
喊喊喊喊喊
食食食食食
瞓瞓瞓瞓瞓
瀨瀨瀨瀨瀨。

尤其是到吃奶時間，
搖身變成惡棍，
歇斯底里的哭，
直到有東西進咀裏才罷休。
每次我也對他說，
「唔駛喊，媽媽知你肚餓嘞﹗
媽媽咁錫你，幾時會唔俾嘢你食？
唔喊媽媽都會比你食。
下次肚餓就舉手啦﹗」

有一次，
明明到吃奶時間，
不哭也不啼，
以為他未肚餓，
再看看他，
原來已兩眼通紅，
大滴眼淚在眼眶中打滾，
扁著小咀，
一副可憐的樣子，
應該是很肚餓，又沒有喊出來。

見他淒涼的樣子，
奶樽即刻到。^^

小柏程的一舉一動，
一笑一哭，
也為爸媽帶來說不出的喜悅。